Ақпарат| adminАғымдағы жылдың 28 тамыз күні Алматы қаласы Дін істері жөніндегі басқармасының жанындағы Кеңес беру және оңалту орталығының ұйымдастыруымен, «Жусан» операциясы аясында өңірге оралған азаматшалардың қатысуымен «Қарым-қатынастың қиын жағдайларын шешу» тақырыбында онлайн форматта «Зум» платформасы арқылы кездесу өтті.Кездесуді Республикалық ақпараттық түсіндіру тобының мүшесі, психолог Шакимова Л.С. жүргізді.Психолог кездесу барысында жасөспірім балалармен тіл табысу, агрессивті адамдармен қарым-қатынастаста қорғану жолы, баланың психологиялық дамуында ата-ананың жауапкершілігі және әлеуметтік желінің балаға кері әсерлерінен қорғау жолдары туралы ақпаратпен бөлісті.Қатысушылардың басым бөлігі көпбалалы аналар болғандықтан, психологтың әр сөзіне мән беріп тыңдап, өзекті сұрақтарына жауап алды.